MATUMIZI YA VIKOMBE AMA GLASI ZILIZO VUNJIKA (CHIPPED)

Glass ama vikombe vilivyo vunjika ama (chipped)? Usivitupe vina kazi nzuri sana, fuatana name hapa kwenye blogu hii nikufahamishe.

 

Nilikuwa nikikasirika sana ninapoona glasi na vikombe vyangu nilivyokuwa navipenda nikivivunja ama kumeguka mara kwa mara na nilishindwa kuvitumia tena japo nilikuwa nikivipenda sana. Jambo hili limekuwa likinisumbua sana hasa kipindi cha miezi ya karibuni kwani nilijikuta nikivunja vyombo karibu kila siku. Nimejikuta kwa mwezi najaza ndoo ya takataka vyombo vilivyovunjika. Ndipo nilipotafuta njia ya kutumia vikombe ama glasi zangu zilizomeguka tena kwasababu nilikuwa nazipenda sana na ilikuwa ngumu kuzitupa kwani nilijua sitaziona tena. Hiki ndicho kilichao nifanya nitumie glasi hizo na vikombe kupanda maua ama kupanda viungo vya chakula.

 

Hakikisha unakusanya vikombe na glasi zilizomeguka, Tafuta maua madogo yasiyokuwa na mizizi mikubwa ama kuhitajo nafasi kubwa kukua. Jaza udongo wenye mbole  kwenye vikombe ama glasi na hakikisha unaweka mawe modogomadogo juu ya udingo ili ikusaidie kunyonya maji kwenye udongo kwani ukumbuke glasi ama kikombe hakina nafasi ya kupitisha maji kwa chini.

 

Mbanda mbegu zako ama panda miche ya maua ama viungo vya chakula. Kwangu mimi nilipanda maua yasiyo na mizizi mikubwa na nilipanda pia viungo kama giligilani, lettuce na green onions. Kwa kufanya hivi ilinipunguzia garama ya kununua giligilani na green onions kwakuwa nimekuwa nikizipata nyumbani kwangu baada ya kupanda kwenye kikombe. Na kwa wakati huo huo nyumba yangu una kuonekano mzuri sana kwakuwa kuna maua mazuri kwa muonekano tofauti.

 

Na pia nimekuwa nikiridhika pale ninapokiona kikombe change nilichokuwa nikikipenda ninakitumia tena kwa kuremba nyumba yangu. Tunatakiwa kutengeneza mazingira kwa kuepuka kutupa taka ngumu hovyo na kuhakikisha tunatafuta matumizi ya vyombo vilivyovunjika ambayo yatakuwa na faida wakati huohuo. Vikombe ama glasi hizi unaweza kupiga rangi ama kuremba kwa kuweka  ribbon ili kuwa na muonekano mzuri ila kama ni mtu wa kupenda kuchagua vyombo vizuri basi muonekano tu wa kikombe ama glasi yako unatosha.

 

 

Hii ni desert au ice cream glass iliyomeguka ambayo imetumika kupanda ua zuri. Na glasi hii unaweza kuiweka ndani ama barazani na ikapendezesha nyumba.

Hii ni glass ya maji iliyopata mpasuko (crake) ambayo imetumika pia kupanda uwa na linaweza kukaamahali popote kama urembo.

 

 



Hizi ni aina tofauti za vikombe vilivyomeguka na visosa vyake vilivyotumika kupanda mauwa na vimpendeza sana na kuvutia

 

Hizi ni glazi za maji za ukubwa tofauti zilizotumika kupanda mauwa ya aina moja, japo unaweza pia kupanda mauwa ya aina tofauti.

Hii pia ni glasi iliyotumika kupanda maua ya aina tofauti ila ni mauwa yenye mizizi midogo na haiitaji nafasi kubwa.

 

 

Hizi ni birika za chai ama maziwa zilizotumika kupanda maua ya aina tofauti na pia mauwa kama haya yanaweza pia kupambwa kwenye meza ya sebuleni (coffee table) ama meza ya chakula (dining table)

 

 

 

Hiki ni kikombe cha kahawa kilichotumika kupanda viungo vya kupikia na hii unaweza kuviweka pia jikoni mwako kwani vinahitaji mwanga mdogo.

 

 



 

hii ni chupa ya asali iliyokwisha kutumika ambayo imetumika kupansa uwa dogo. Na kwa kuremba chupa kama hii ambayo ina muonekano kabisa wa chupa unaweza kufunga kamba ya riboni ama kamba ya gunia safi na ikaonekana kuwa tofauti na kamba zingine.



 

Hiki ni kikombe cha chai kilichotumika kupanda uwa aina ya aloe vera ndogo na kama inavyookekana imekuwa na muonekano mzuri sana.

 

 

 

Haya ni matayarisho ya vikombe vilivyomeguka nikivitayarisha kwa kupanda viungo vya chakula.

 



 

Hizi ni glasi za mvinyo za aina tofauti nilizozitumia kupanda maua madogo na kuweka mawe madogi kwa juu.

 



 

 

Hivi ni vikombe vya chai vilivyotumika kupanda maua vikiwa katika muonekano mzuri.

 



MATUMIZI YA CHUPA ZA MVINYO ZILIZOKWISHA TUMIKA

Tumekuwa na mazoea ya kutupa chupa za mvinyo (wine) kila baada ya matumizi ya kinywaji hiki. Chupa hizi zinaweza kuwa na faida kubwa na pia kuwa na matumizi mbalimbali. Ni muhimu kuhifadhi mazingira kwa kujaribu kubadilisha matumizi ya chupa za mvinyo kwa kuzifanyia kazi tofauti kama kuremba na kupendezesha nyumba na maeneo tunayoishi.

unaweza kubadilisha matumizi ya chupa za mvinyo kama chungu cha kurembea maua (Flower verse) ama unaweza pia kutengeneza urembo mwingine wa kupendezesha nyumba yako. Unaweza kuchukua chupa ya wine iliyokwisha kutumika, ukaisafisha vizuri na kuipaka rangi unayopenda na hatimaye ikawa flower verse nzuri itakayopendezesha nyumba yako. Chupa hizi una uwezo wa kuiweka ndani ama nje ya nyumba yako.

Ni vizuri tuwe tunajaribu kutumia fursa kila tunapozipata, kwani hii si fursa ya kuremba nyumba tu ila inaweza kutumika kukuingizia kipato. Hii itakusaidia kuwa mjuzi zaidi na kujaribu kujifunza jinsi ya kuweza kutengeneza chupa hizi kwa ustadi zaidi.

Tunatakiwa kila wakati tuwe tunatafuta mawazo na uvumbuzi mpya, mawazo mapya, na kufikiri zaidi. Lakini kufikiria zaidi sio kufanya ama kutengeneza mambo mapya bali ni kujaribu kuishi kwa kuboresha mazingira kwa kubadilisha matumizi ya vitu ama bidhaa zilizokwisha kutumika ili kuweka mazingira safi kwa kuhakikisha bidhaa hizi zinatumika tena kama mpya. Tukiangalia sana kwenye mapambo ya nyumba utumiaji wa vitu vilivyotumika ni wa muhimu sana.
Na hii imesaidia badala ya kutupa chupa za mvinyo zilizokwisha kutumika tunazitumia kama mapambo ya nyumba. Chupa za wine zinaweza kudizainiwa na kubadilisha matumizi kwa kuzifanya kuwa urembo mahiri na tofauti nyumbani kwako. Chupa za mvinyo zinaweza kutumika kama flower verse, chungu cha maua na aina nyingine ya mapambo yanayoweza kufanya nyumba yako iwe na muonekano tofauti.

Kwa picha zilizopo hapa ninakuonyesha matumizi tofauti ya chupa za mvinyo zilizokwisha kutumika na jinsi gani unaweza kuzibadilisha na kuwa urembo nyumbani kwako. Njia zote za kuzipamba chupa hizi ni rahisi na pia hazina garama kubwa.

utahitaji baadhi ya vifaa katika urembaji wa chupa hizi, kama rangi za kusprey na si rangi za kupaka kwa mkono, gundi, kamba, inborn, na vifaa vingine kama mkasi n.k. hakikisha unasiku nzima ya kutosha na pia vifaa vingine unavyoviitaji utavijua pindi utakapokuwa tayari kwa kazi hii. Furahia kushinda ukiwa unafanya kazi na chupa za wine zilizokwisha kutumika.

Chupa hizi ni chupa za wine zilizokwisha kutumika, zikasafishwa vizuri na kutolewa lebo na kasha kupuliziwa rangi ya dhahabu ya kawaida, na hatimae zikapakwa urembo wa dhahabu katikati na chupa nyingine kupakwa juu. Zoezi hili ni rahisi na linachukua chini ya masaa mawili.Chupa hii inaweza kutumika kama flower verse nyumbani kwako ama kwenye sherehe yoyote. Zina muonekano wa kupendeza na kuvutia sana.

Unaweza pia kupuliza rangi ya silver kwenye chupa zako na rangi hiyo iwe ni rangi nyororo na pindi itakapokuwa imekauka vizuri paka kwa mkono rangi ya urembo wa silver ili chupa zako ziwe na muonekano mzuri. Epuka kupaka rangi tofauti ya urembo kwani chupa yako haitakuwa na muonekano mzuri. Chupa hizi unaweza kutumia kama flower verse ama kuzitumia kama urembo ndani ya nyumba yako.

Unaweza pia kupaka kila chupa na rangi tofauti, chupa hizi zilipakwa rangi ya kupuliza kwanza na hatimaye ilipakwa rangi ya urembo kwa juu ili kufanya rangi ya urembo kuwa imara zaidi na yenye muonekano wa kuvutia.

Hizi ni chupa za wine tofauti kwa ukubwa na upana, hapa ilitumika gundi na kamba nyembamba za rangi tofauti. Chupa hizi zilipakwa gundi ya maji (super glue haifai) na kuzungushwa kamba kwa ustadi mkubwa. Subiri hadi chupa ikauke vizuri na zitakuwa urombo mzuri wa ndani utakaopendezesha nyumba yako. Unaweza pia kubandika vifungo vya nguo za zamani ili kuongeza nakshi za chupa yako ama kuongezea kwa kutengeneza maua madogo ya nguo za zamani na kubandika na gundi juu ya kamba nyembamba juu ya chupa yako.

Watu wengi wamekuwa wakitumia mishumaa na kuweka ama kwenye kisosa au kununua mbao za kuweka mishumaa pale inapotumika ambapo huwa ni garama kubwa sana. Chupa za wine za ukubwa mbali mbali zinaweza kutumika ila hakikisha ni chupa iliyo na rangi moja na hakikisha unatoa lebo za kila chupa na chupa ibaki kama inavyoonekana kwenye picha. Utumiaji wa chupa hizi kwa matumizi ya mishumaa inafaa pale unapohitaji kutumia mishumaa mingi na si michache. Hii inaababisha mwanga wa mishumaa kufanya chupa zionekani na rangi tofauti na za kuvutia hasa nyakati za usiku.

Chupa za mvinyo zilizokwisha kutumika zinaweza pia kutumika katika bustani yako ya maua. Hii inasaidia bustani yako kuwa tofauti na ya kuvutia. Hii inapunguza matumizi ya mawe ama cement kuweka kingo za bustani yako ya maua. Huku ni kulinda mazingira na pia kupendezesha nyumba yako.

Chupa hizi za wine zinaweza pia kutumika kama flower verse kwenye garden yako na kwa garama nafuu tu. Chupa hizi kwenye picha zimesafisha ka kufungwa ama kuzungushiwa kitambaa nadhifu na kuwekwa maua na zinaonekana kuwa na muonekano mzuri sana. Unaweza kubadiliha aina ya vitambaa kutokana na zile rangi unazozipenda.


Kuremba na kupendezesha nyumba yako ni swala la muhimu na lakuvutia na haswa pale unapolinda mazingira. Natumai umejifunza kitu na kama utakuwa na swali ama wazo dondosha comment yako hapo na nitakujibu kwa muda muafaka.

JINSI UNAVYOWEZA KUTUMIA CHUPA YA PLASTIC KWENYE ENEO LAKO DOGO NA KUKUPA MANUFAA

Kuishi mijini kuna mazuri na changamoto zake, Uzuri kwamba kuna maisha mazuri na kujifunza mambo mengi zaidi kutokana na maendeleo ya eneo unaloishi. Pamoja na uzuri huo pia kuna changamoto zake ikiwemo ugumu wa maisha. Vijijini kuna changamoto ya ugumu wa maisha lakini mjini changamoto hii ni kubwa zaidi. Katika changamoto za kuishi mjini ni pamoja na garama za juu za chakula. malazi pamoja na mavazi. Na kutokana na ugumu wa maisha na garama za juu za chakula, mavazi na malazi mijini kunafanya watu kufunguka akili na kujua jinsi ya kupambana na changamoto hizi. Na kihi ndicho kilichonifanya mimi kuwaza sana na kufikiri hili jambo ninalotaka kulielezea hapa.

 

leo hii nimegundua kwamba tuna njia nyingi sana za kupambana na ugumu wa maisha. Katika maisha ya kila siku tunatumia garama nyingi sana kwenye chakula na malazi. Na kwa sababu hiyo inatulazimu kutafuta ama kuishi katika nyumba zenye maeneo madogo na hayana nafasi maalum ya kuzalisha chakula kitakacoweza kukimu mahitaji ya familia. Lakini hii tusiione kama changamoto kwani kuna njia nyingi sana ya kuzalisha vyakula vya kukimu familia zetu hata kwa yale maeneo madogo tunayoishi. Hii ni kwa kutumia makopo ama chupa za plastic kwa kukuza mboga za majani katika uwa mdogo wa nyumba yako.

 

Nafasi ndogo nyumbani kwako isiwe sababu ya wewe kutumia garama kubwa kununua mboga na viungo vya chakula nyumbani kwako. Kwa nafasi ndogo uliyonayo una uwezo wa kuhakikisha unapunguza garama za maisha za kununua chakula. Hii ni kwa kuhakikisha unatafuta makopo ama chupa za plastiki zilizokwisha kutumika kama nilivyoonyesha kwenye picha hizi. tafuta udongo mzuri na kama utapata mbolea ya kuku itakuwa ni vizuri zaidi. Hii ni kwasababu mbolea ya kuku haina takataka zinazoweza kusababisha kuota magugu ama majani yasiyohitajika kwenye makopo yako. Unaweza pia kutumia mbolea ya ng'ombe ila uwe tayari kung'oa magugu kwenye chupa zako kila wakati. Hii ni kwasababu Ng'ombe hula majani na matunda ya aina mbalimbali na kuyatoa kwenye kinyesi yakiwa hai ama kuwa na uwezo wa kuota tena. Unaweza kuchanganya udongo wako na mbolea ya kuku pembeni ka kuuacha kwa wiki moja ili ujichanganye vizuri na kasha kuujaza kwenye makopo yako tayari kwa kusia mbegu ama kupanda miche ya mboga na matunda unayoyahitaji katika uwa mdogo wa nyumba yako.

 

 

Siwezi kuacha kusema kwamba uzalishaji huu una manufaa makubwa na msaada mkubwa kwa familia. Uzalishaji huu wa mboga za majani utapunguza garama kubwa za maisha yako na pia familia yako itajipatia lishe bora. Zoezi hili ni zuri kwa sababu unalinda mazingira kwa kuhakikisha makopo ya plastic yanahifadhiwa vizuri na kuzalisha chakula kwa familia, kwani kwa kutumia makopo mia ya plastiki una uwezo wa kilisha familia yako mwaka mzima chakula bora kwa garama kidogo. Hii inawezekana kwa kutengeneza frame ndogo kwenye uwa wako na kutengeneza nafasi ya kuhifadhi maji utakayoyatumia kumwagia mimea yako kuifadhiwa na kutumika baadae. Uzalishaji huu wa mboga za majani unahifadhi si eneo tu bali unahifadhi pia maji kutopotea ardhini bali kubaki katika eneo ulilotenga chini ya fremu yako ya mbao na kutumia tena kumwagilia mimea siku inayofuata. Kiufupi ukulima huu unatumia nafasi ndogo, garama kidogo, kuhifadhi maji na kuipa familia yakko chakula bora na afya bora. Mimi nimechukua hatua kwa kufanya hivi nyumbani kwangu, na wewe chukua hatua na utaona umuhimu wa hili ili kupunguza njaa majumbani mwetu.

 

 

 

Chupa za soda kubwa zilizotumika kuotesha vitunguu 

 

 

Mboga aina ya lettuce iliyooteshwa kwenye makopo ya juice na mafuta yaliyokwishatumika

 

 

Frame ya mbao iliyopangiliwa chupa za juice na mafuta kwa ustadi mkubwa zilizo oteshewa nyanya, Vitunguu, lettuce na mboga zingine. Kwa chini inaonekana kabwawa kadogo kanachohifadhi maji yanayotoka kwenye makontena baada ya kunyeshea. Huu ni uhifadhi mkubwa wa maji na ukulima huu unafaa hata sehemu zenye shida ya maji.

Ni nani asiependa kuwa na kontena zilizosheheni mboga za majani, matunda na viungo kwenye uwa mdogo wa nyumba yako? Ni kwa kutumia chupa na madumu ya plastiki yaliyokwisha kutumika yanaweza kufanya haya. Unasafusha mazingira kwa kuwekeza kwenye chakula cha familia yako kwa garama nafuu. 

Chupa na makopo yaliyotumika yakiwa katika fremu ya mbao ama miti.

Fremu ya mbao ya bei rahisi unayoweza kutumia kupanga makopo yako ya kuoteshea mboga. Ujanzi huu ni wa garama rahisi sana usiozidi shilingi 50,000 za kitanzania. Unachukua sehemu ndogo na unahifadhi maji kama inavyoonekana chini ya fremu hii, unapomwagia maji mboga zako hayapotei bali kuingia moja kwa moja kwenye bwawa dogo chini ya makopo na unaweza kutumia maji hayo kunyeshea mboga zako siku inayofuata. Fremu hii ina uwezo wa kubeba makopo mia moja inategemea na ukubwa utakaoutaka.

Upandaji huu wa mboga utakusaidia kuboresha afya ya kwako na familia yako kwa garama ndogo.

 

 

AINA YA WATU UNAOWEZA KUKUTANA NAO KATIKA MAISHA YA KILA SIKU

 

 

 

Katika maisha ya kila siku utakutana na watu wa aina tofauti, ni jambo la muhimu sana kujifunza jinsi ya kuishi na watu wa aina hii. Unatakiwa kuwa mtulivu na kuhakikisha unampuuza na kufanya mambo ya muhimi na kuepuka watu wa namna hii
Naamini utakuwa tayari umekutana na watu wa aina tofauti na wenye tabia tofauti, inaweza kuwa kwenye maeneo ya kazi, labda ni marafiki zetu, na pengine tunaishi nao ama ni wanafamilia wetu. Jambo la muhimu ni kukwepa hawa watu, na kuwakwepa mapema zaidi ni jambo la busara. Posti hii itaongelea aina ya watu wa namna hii na jinsi ya kuwakwepa.

Watu wanaopenda sana Kuhukumu
Watu wa namna hii hupenda kuhukumu kila kinachotokea ama kusikia mbele yao. Unaweza ukawa unajaribu kuzungumza nae ama kumuelekeza lakini atahukumu (judge) kila moja kati ya yale uliyomweleza ama kuona. Hupenda kumaliza mazungumzo kwa kuhukumu bila kutaka kujua lengo hasa la kumweleza na ni wagumu sana kuwasiliana. Utakapotaka kutoa ushauri ama kupata ushauri kutoka kwa watu wa namna hii ni kupoteza muda. Kwasababu atahukumu kile anachokijua badala ya kukupa maelezo ama kutoa ushauri.

Watu wenye wivu
Kuna watu wenye wivu, wapo kila mahali. Watu wa namna hii ni wale ambao hawafurahi wanapokuona una mafanikio na kujaribu kugeuza yale mazuri na kuwa mabaya. Jaribu kuepuka watu wa namna hii kwasababu watashirikiana na maadui zako kukuangamiza ama kurudisha nyuma mafanikio yako. Wanahisi kwamba mambo mazuri yanatakiwa kutokea kwao tu na si kwa mtu mwingine.

Wale wajuaji kupindukia
Watu hawa huwa si wasikivu, na hawako tayari kusikiliza mtu, kwasababu kutokana na ujuaji wao wanaona kama hakuna anaejua bali wao tu ndiyo wanaojua kila kitu. watu kama hawa wanaweza kuwa kidonda katika maisha yako binafsi, ni watu wasiofaa kuwa nao karibu katika maisha yako ya kila siku. Ukitaka kuwa na mafanikio katika maisha yako hakikisha unakaa mbali na watu kama hawa.

Watu wajinga (arrogant)
Usije ukafananisha kujiamini na ujinga, watu wanaojiamini ni watu ambao kila mtu anatamani kuwa nao wakati wote, wakati watu wajinga wanakasirisha na kuchukiza kabisa. Mtu mwenye tabia za kijinga hujisikia yeye ni bora zaidi ya mwingine. Jaribu kuepuka kabisa watu wa namna hii kwasababu itakuepushia mazingira ya yeye kukukwaza kutokana na ujinga wake.

Watu wanao laumu
watu wanaolaumu kawaida wanapokosea hupenda kulaumu watu kwa makosa waliyoyafanya na si kukubali kwamba wamekosea. Ni watu ambao wapo na tunaishi nao katika mazingira ya kila siku. Watu hawa hawawezi kupewa majukumu na wakayabeba yale majukumu, na wakati wote hupenda kunyooshea watu vidole na hii uathiri sana yale majukumu waliyopewa kuyasimamia. Jaribu kuwaepuka sana watu hawa.

Wale wanaokuwa na maono hasi
watu wa namna hii ni watu wanaoweza kukukatisha tamaa mapema sana. Hawezi kukupa mawazo ambayo yatakupa moyo na kukupa nguvu ya kufanya kitu Fulani. Bali watakukosoa kwa kila utakalojaribu kuwaambia au kufanya na watahakikisha wanafanya vyovyote vile unalojaribu kufanya lisifanikiwe.

Watu waongo.
unapotaka kufanikiwa lazima uzungukwe ama ukutane na watu ambao nao pia wana mafanikio na ambao utawaamini wao kukufikisha pale unapotaka. Unapokutana na nmtu kama huyu uwezi kuamini na ni ngumu kuwategemea kwasababu hujui kama wanakwambia ukweli ama uongo. Epuka watu waongo na kaa nao mbali kwasababu hutafahamu wakati gani watakudanganya ama kukueleza ukweli.

Watu wambea (wadaku)
Watu huwa wambea kwasababu hawajiamini na hawajui jinsi ya kutenganisha mambo ya ukweli na uongo na badala yake huyasuka na matokeo yake ni kuwa uongo. Wtu hawa uchukua taarifa za uongo na kuzivisha ukweli na mwisho wa siku zinakuja kusababisha uadui usiokuwa na tija ama kusababisha madhara kabisa. Kuwa na mtu mmbea kwenye maisha yako inaweza kukuaribia maisha yako na ni kama ugonjwa wa saratani na unaweza kukuletea madhara katika maisha yako ya kila siku.

Kama katika hizi kengele 8 kuna kengele moja wapo ama zaidi inalia katika maisha yako inawezekana ukashindwa kupata mafanikio katika haya maisha ya sasa. Unachotakiwa ni kuhakikisha una epukana na watu wa namna hii mapema iwezekanavyo. Jaribu kuwa na ukaribu na watu ambao ni chachu kwenye mafanikio yako. Mimi nimeamua kuepukana na aina hizi nane za watu niliowaongelea hapo juu mwaka huu 2016 na kwa kufanya hivi nimejijengea mazingira mazuri katika maisha yangu na kwa mungu pia.

HOW TO BE STRONG INDEPENDENT WOMAN

Being a strong, independent woman inamaaisha una uwezo wa kujiamini  na kuishi maisha yako.Unatakiwa kujiamini bila kutegemea mtu yeyote ama jamii yako kukufanya ujiamini. Namaanisha uwe na uhuru wa fikira na kuwa na afya na mahusiano na watu wengine. Namaanisha jifunze jinsi ya kujitambua wewe ni nani, hata kama una aibu  na kuzungumza polepole ama kwa sauti kubwa. Nifuatilie katika posti hii ili utambue ni jinsi gani unaweza kuwa mwanamke anaejiamini na unataka kuwa nani.

Jifikirie wewe kwanza
Utakapojitambua wewe mwenyewe, utajua ni kitu gani unahitaji maishani mwako. Kama unataka watu kujua unachokifanya jitayarishe kuweka mazingira hayo. Fanya kile moyo wako unapenda ili mradi kiwe ni sahihi na kina manufaa kwako. Siku zote sikiliza kile moyo wako unakwambia na kile ambacho ukikifanya unasikia amanai. Pale utakapokuwa tayari kutimiza yale yanayokufuraisha itakusaidia kujenga mahusiano mazuri na watu wa karibu yako. Hii itakusaidia mahusiano yako yawe boara kwasababu wewe mwenyewe unajitambua na itasaidia kumweleza mpendwa ama mpenzi wako wewe ni nani na unataka nini.

Jifunze jinsi ya kutambua mawazo yako
Ukijifunza jinsi ya kujitambua utajua kwamba mahusiano yako yanatambulisha maisha yako halisi. Moja kwa moja utakuwa ni mtu wa kumfikiria mwenzano na kusubiri maamuzi baada ya kuwasiliana na mwenzako. Pambana ili ujitambue, na usitake matatizo yako kupambana nayo mwenyewe. Jaribu kuwasiliana na watu wako wa karibu ili wakusaidie katika ushauri.

Usijifananishe na wanawake wengine
Kuwa na mtu unaemuangalia na kutamani kuwa kama yeye ni swala zuri, Lakini unatakiwa kuwa mwangalifu na usiangukie kwenye wivu ama tamaa kwa mtu huyo unaetamani kuwa kama yeye (Role Model). Japo kuwa na wivu ni asili ya kila mwanadamu lakini jifunze jinsi ya kuzuia hilo kutokea. Jaribu kutambua kila unaposikia wivu, hatua ya kwanza unapojitambua umeona wivu jaribu kusahau mara moja. Huwezi kufanana na mtu yeyote. Wewe unaweza kujiona una mapungufu na pia watu wanaokutazama kuna wanaopenda kuwa kama wewe. Jaribu kujikumbusha kuwa kila mtu amepangiwa maisha tofauti na yako na labda huyo unaemuonea wivu anatamani kuwa kama wewe. Sio kila mwenye mafanikio ameyapata kwa urahisi, bali wamepitia ama kufanya mambo mabaya kupita kiasi.

Jaribu kuwa na mipaka
Jaribu kuhakikisha unakuwa na mipaka na kujali yale muhimu katika maisha yako. Weka mipaka na angalia muda unao spend na watu. Hakikisha una mambo mengine ya kufanya katika maisha yako nje ya mahusiano uliyokuwa nayo, kama ni shule, kazi, marafiki, kwenda kwenye mazoezi au familia yako. Kuwa na mipaka na kila mtu na wasiliana nao pale unapowaitaji na si kila wakati, hii itakusaidia kuwa na maisha yako binafsi.

Simama kwa miguu yako
Kama wewe ni mwanaume ama mwanamke, unatakiwa kujifunza kusimama kwa miguu yako, hii itakusaidia kwa watu wengine kutokuchukua nafasi ya matatizo yako kama mtaji. Jifunze jinsi ya kusema hapana. Jaribu kuishi maisha ya kujitegemea na si ya kutegemea kusaidiwa na watu. Tafuta kazi ama shuguli yoyote itakayokuingizia kipato. Unapokuwa na tatizo jaribu kutafakari suluhisho la tatizo lako na si kusubiri rafiki jamaa ama ndugu kukusaidia kuamua ama kuchukua hatua.

Jifunze kusema hapana
Jiweke wewe mbele kwanza badala ya kuweka watu wengine kwanza. Kwa mfano  mtu anakuomba umkopeshe pesa, si lazima umkubalie kila mtu. Hata kama rafiki yako atataka kukuazima gari mueleze gari halipo tena. Usijaribu kuwa mzuri kwa kila mtu. Jaribu kujifunza kusema hapana kwasababu kuna watu watatumia mwanya wa wewe kutokuwa na mamlaka na kilicho chako kwa manufaa yao binafsi.

Jiamini
Utakapojiamini kwamba unaweza na una ujaribu, utakuwa na ujasiri mkubwa sana. Timiza malengo yako na kile unachokitaka.  Unapokosa kujiamini ama unakaribia kuwa mtu wa namna hiyo, utafanya watu wakutumie kutimiza malengo yao badala ya wewe kutimiza malengo yako.

Fanya watu wako wa karibu wafahamu pale wanapokukera ama kukukwaza
Kama mtu amekukwaza kwa njia yoyote ile, hakikisha unamfahamisha. Wakati mwingine inakuwa vigumu kuonyesha unavyojisikia hasa unapokuwa na hasira.  Lakini kwa kumwambia mtu unavyojisikia itakusaidi kuzuia mtu kukukwaza ama kukukasirisha tena. Jaribu kuepuka kuzungumza na mtu pale unapokuwa na hasira kali. Kwani hiyo itapelekea kuzungumza maneno ambayo hayatatengeneza bali yataharibu. Kuwa na subira na zungumza na aliyekuwaza pale hasira yako itakapokuwa imetulia.

SO YOU WANT TO BE YOUR OWN BOSS?

 

 

So You Want to Be Your Own Boss?

 

 

Kama unataka kuanza biashara na hujui pa kuanzia, usihofu, haupo peke yako. Watu wengi wanapenda kufanya kazi wanazo zipenda, na zile zitakazo wawezesha kutimiza malengo yao. Usijali lolote cha muhimu ni kuhakikisha unakuwa bosi wako mwenyewe, na hii unaweza kuanza leo hii unaposoma hii blog.

Yafuatayo ni mambo yanayoweza kukusaidia kutimiza malengo yako;
Jithaminishe uwezo wako na hakikisha unajiamini kuwa ni wewe tu utakae timiza lengo hili. Je unatakiwa kulaumu uchumi? muajiri wako, mpenzi wako ama familia yako?  Mabadiliko yanaweza kutokea tu kama utachukua maamuzi magumu.

Chagua biashara nzuri utakayo iweza. Jipe ruhusa ya kupambanua mambo. Kuwa huru kuangalia mambo tofauti yanayokuzunguka. Angalia muonekano wako, staili ya maisha ya jamii iliyokuzunguka na umri wa jamii inayokuzunguka. Mara nyingi hatukubaliani na hili lakini ni jambo muhimu sana katika kutimiza ndoto hii. Jiulize ni nini kitakupa nguvu hata pale utakapokuwa umechoka.

Kuna mambo matatu yatakusaidia kujua biashara unayoifanya ni sahihi.

Siku zote fanya biashara unayoijua, angalia muda uliokuwa ukifanya kazi kwa muajiri wako na fikiria utaalamu huo ukiufanya kwenye biashara yako itakuwaje.
Jaribu kufanya kile wengine wanachokifanya, jifunze kupitia biashara inayofanana na ya kwako. Na hapo utatambua kama ndiyo biashara unayoifahamu na usisite kuanza.Jaribu kutafuta suluhisho ya changamoto unayofikiria yanaweza kutokea katika biashara hiyo baada ya uchunguzi. Je kuna nafasi kwenye soko? Je huduma ama bidhaa unayotaka kutoa inahitajika katika soko sana? kama jibu ni ndiyo ingiza bidhaa hiyo ama huduma hiyo. Hakikisha unapochukua maamuzi unajitolea kujifunza na kupata uzoefu kabla ya kuanza kutumia mtaji wako.
Hakikisha unatengeneza mchanganuo wa biashara ili kukuwezesha kufanikiwa.
Watu wengi hawapendi kutengeneza mchanganuo wa biashara (Business plan), lakini itakusaidia kulifikia soko mapema. Mchanganuo wa biashara utakusaidia kuiweka sawa biashara yako, kujiamini na kufikia malengo. Mchanganuo wako hautakiwi kuzidi upande mmoja wa karatasi. Unatakiwa kuandika malengo, mategemeo na vitendo hatua kwa hatua, na biashara yako itakuwa kubwa.
Jiulize maswali yafuatayo:
Ninajenga nini?
nitamuhudumia nani?
Ninatoa ahadi gani kwa wateja wangu/na kwangu mimi mwenyewe?
Malengo yangu ni nini, mipangilio na hatua ntakazo piga kufikia malengo yangu?
Jua kundi unalolihitaji kufanya nao bishara kabla hujagarimia chochote
Kabla hujaanza kugarimia biashara, jaribu kafuatilia kama watu watakuwa tayari kununua bidhaa ama huduma unayotaka kuitoa. Hili ni jambo la muhimu sana kulifanyia kazi. Unaweza kulifanya hili kwa kulinganisha soko lako la biashara unayotaka kuifanya. Kwa maneno mengine ni nani haswa atanunua bidha au huduma yako zaidi ya familia na rafiki zako? ( Na usiseme kilamtu Tanzania hii anahitaji huduma unayoitoa, "Niamini hakuna kitu kama hicho") jaribu kufikiria ukubwa wa watu unao walenga? Wateja wako ni kina nani? Je bidhaa yako ama huduma yako ni ya muhimu sana katika maisha yao ya kila siku? na ni kwanini wanaihitaji?
Angalia kipato chako na chagua njia sahihi ya kupata fedha unazozihitaji katika biashara yako. Kama mjasiriamali, maisha yako binafsi yanachangia katika  hili. Una uwezo wa kuwa mmoja kati ya wawekezaji wakubwa. Hivyo unatakiwa kuwa na uelewa mkubwa wa kipato chako halisi, na uwezekano wa kutafuta kipato hicho, ni hatua muhimu ya kwanza kabla ya kutafuta mtaji nje wa biashara yako. Hili ni muhimu ndiyo sababu ya kusisitiza kwenye post zangu zilizopita kwamba tunatakiwa kujifunza kujiwekea akiba. Ukiwa unatengeneza mchanganuo wa biashara, unatakiwa kulipa uzito swala la mtaji kutokana na biashara unayotaka kuifanya, kutegemeana na eneo unalotaka kufanyia biashara. Ni muhimu kuhakikisha una mtaji wa kuanzisha biashara yako, na ni muhimu kufahamu aina ya fedha utakazokubali zitumike katika biashara yako ( kwa mfano kupokea fedha za nje, Credit Card, etc), ni lazima ukubaliane na haya katika kukuza biashara yako.
Jenga mtandao
Ukisha jenga malengo ya biashara yako, unahitajika kujenga mtandao wa watakao kuunga mkono, washauri, wawekezaji wenzako, watakao kupa huduma na watakao tembeza ama kuitangaza biashara yako. Kama utaiamini biashara yako na wengine wataiamini pia.
Jenga mitandao kitaifa na kimataifa, na kwenye mitandao ya kijamii kama Instagram, Face book, Twitter, n.k na kwenye magroup mengine ya kibiashara.  
Uza bidhaa ama huduma yako kutokana na thamani yake. Hata kama tunanunua na kuuza bidhaa ama huduma kila siku,  watu hawataki kuuziwa vitu bei gali, jaribu kusaidia watu kwa kuuza bai stahili. Jinsi unavyotoa huduma kwa watu wengi, unaongeza mauzo na idadi ya kipato chako. kama ni mjasiriamali unaemjali mteja wako lazima utajiuliza maswali yafuatayo:
Je ninaweza kuwapa  nini?
Je nitafanyaje ili waridhike na huduma ama biashara ninayo ifanya kwao?
Haya maswali mawili yatakusaidia kukuongoza kwenye njia mpya katika bidhaa yako ama huduma yako na kuiongezea thamani, ambayo wateja wako wataridhika.
Kuwa tayari kusema wewe ni nani, na unafanya nini bila kuwa na uwoga. Hakikisha unafanya hivyo kwenye Mitandao ya kijamii, ili kujitangaza na kuitangazia dunia. Jaribu kufanya kile unachodhani kitafurahisha followers wa biashara yako.
Pamoja na kwamba mitandao ya kijamii ina umuhimu kwa sasa ni muhimu kuitumia, na pia sisite kutumia njia nyingi za kutangaza biashara yako, kama kwenda kueleza watu wewe mwenyewe kuhusu bidhaa ama huduma unayoitoa, website, blog post, speech, news latter, simu n.k. Kama utafuata hatua hizo hapo juu, utakuwa vizuri na utakuwa njiani kuwa bosi wako wewe mwenyewe. ni muhimu kukumbuka haupo peke yako. Kama unataka kuwa bosi wako mwenyewe lakini unaona umekwama, jiunge na wajasiriamali wengine kwa nia tofauti. Utashangaa kupata habari za wajasiria mali walio fanikiwa wakieleza mapito yao magumu kufika hapo walipofika na itakuwa ni njia nzuri ya mawasiliano yatakayokuwa ni chachu katika biashara yako na utagundua mafanikio yako yapo katika  pingili za viganja vya mikono yako.
Ndoto yangu ya kuwa my own boss ni hiyo picha hapo juu, Ninafanya kazi kwa bidii sana kuhakikisha naitimiza, ninasali sana na ninaweka akiba ipasavyo kuhakikisha natimiza lengo langu hilo. "Lets work hard, lets save money, lets achieve our goals. Lets work hard and pay our bills". "My dream business in coming years" "Pergola .....!!!"

 

NINI CHA KUFANYA X WA MPENZI WAKO ANAPOKUSUMBUA

Tumekuwa tukisikia ama kupitia kwenye mahusiano yanayohusisha vurugu na utomvu wa nidhamu wa wapenzi wa zamani, ambao hawako tayari kumwacha mpenzi wako.  Labda anafikiri kuna uwezekano wanaweza kurudiana ama anataka kukukwaza wewe mpenzi wa sasa kwenye mahusiano yenu kwa sababu ya wivu uliopitiliza. kwa sababu yoyote ile, Ni vigumu kuishi maisha ya furaha, ukiwa katika mahusiano mapya na wakati huohuo mpenzi ama wapenzi wake wa zamani wanamfuatilia mpenzi wako ni jambo gumu na la kukera.

Lakini kuna jambo moja, tunatakiwa kukumbuka kwamba "wazimu" wa mpenzi wa zamani unasababishwa na kupitia katika wakati mgumu (emotion), na yeye ni binadamu pia lazima apitie hilo, ila anajaribu kutatua wakati wake mgumu kwa njia zisizo faa. Kufanya mambo yaende vizuri, unatakiwa wewe kuwa na busara. Kama unataka akuache wewe na mpenzi wako muishi maisha yenu kwa roho safi, kuna mambo unatakiwa kuyafanya;

Jaribu kuchukua nafasi yake
Najua hii ni ngumu kwasababu huyu ni mwanamke ama mwanaume anaekusumbua, lakini kwa muda mfupi jifikirie ingekuwa ni wewe ungejisikiaje. Hebu fikiria anajisikiaje: Ni moja kwa moja anafanya hivi kwasababu ameumia moyoni mwake na hakuwa tayari kuachana na mpenzi wake. Ndiyo anajaribu kutatua hili kwa njia isiyo sahihi , na ndiyo si mtu mzuri kwako, lakini kama mwanadamu unatakiwa kuwa mtu mwema kwake. Amekwazika ndiyo sababu ya konyesha tabia zisizo za kawaida. Jifikirie utajisikiaje baada ya kuachana na mpenzi wako, na kumuona mpezi wako na mpenzi mwingine na wewe bado unampenda. Inaumiza na hiyo inaweza kuwa ni sababu ya yeye kuwa na tabia hizo.


Jaribu  kumkwepa
Kabla ya kufanya lolote, jaribu kadiri ya uwezo wako kumkwepa. Wakati mwingine, kukwepa mtu anaejaribu kukukwaza ama kukukasirisha ni njia nzuri ama kutatua tatizo. Kwa kufanya hivi unamuonyesha hujali, na una mambo muhimu ya kufanya zaidi ya kumfikiria yeye. Jaribu kuishi kama hakuna lolote linaloendelea na endelea na maisha yako ya kila siku. usipokee simu zako wala kujibu meseji zake kwasababu huna la kujadili na yeye. Kama ataendelea kukusumbua ni vizuti kumblock kwenye mitandao ya jamii ama simu. Epuka kuwa karibu na marafiki zake ama watu wake wa karibu. Epuka kuzumgumza habari zake wala kufuatilia habari zake. Kama ushauri huu haufanyi kazi endelea kusoma ushauri unaoendelea.

Zungumza na mwenza wako kuhusu hili
Kama utajaribu kuyafanya hayo hapo juu na bado ataendelea kukusumbua, unatakiwa kuzungumza na mwenzi wako kuhusu linaloendelea. Mueleze ni jinsi gani mpenzi wake wa zamani anavyokufanyia na mueleze kwamba unakwazika sana na vitendo vyake. Kuwa muwazi kwake na mueleze hili kama wapenzi, ili mlitafutie ufumbuzi kama wapenzi. Anatakiwa kufahamu unavyojisikia kutokana na matendo ya mpenzi wake wa zamani.

Epuka kuharibu mambo
Najua kuna wakati unajaribu kufanya vitendo vitakavyomfanya mpenzi wake wa zamani apate wivu ili asiwasumbue tena. Utataka kupost picha ukiwa mmekumbatiana, mnapigana mabusu kwenye mitandao ya kijamii ambayo una uhakika ataziona, na wakati mwingine unaweka status kama "Nakupenda sana, hana muda na wewe tena",   usijaribu. Huku ni kujiweka madoa mwenyewe. Kufanya vitendo kama hivi, ni kumuongezea hasira na hujui at react vipi. Hili litafanya hali iwe mbaya zaidi. Jaribu kutumia busara zaidi na hekima.

Mwambie Mwenzi wako azungumze naye
Kama mambo yanaendelea kuwa mabaya na yamekushinda kabisa, zungumza na mwenzi wako na mwambie anatakiwa kuzungumza na mpenzi wake wa zamani, kabla wewe hujazungumza nae lolote. Hii ni kwasababu yeye ndiye aliyekuwa na mahusiano naye na sisi wewe. Mueleze jinsi unavyojisikia na asipolifanyia kazi litakuja kuathiri hadi mahusiano yenu. Mwambie azungumze naye na amueleze anatakiwa kuacha vitendo vyake anavyo kufanyia na amueleze aelewe.

Usijaribu kupigana naye
Usajaribu kutatua hili tatizo kwa mikono yako, Usipigane naye wala kupambana naye kwa maneno makali kwenye mitandao ya jamii. Hili halitakusaidia bali litafanya mambo yawe mabaya zaidi na litaongeza shid zaidi.

Zungumza naye kiutu uzima zaidi
Badala ya kupambana, jaribu kusuluhisha hili tatizo kiutu uzima zaidi. Muuliza kama mnaweza kuonana ili mzungumze,. Au mtumie meseji kwenye Face book, na ujumbe huo usiwe wa kumtisha, kumlaani ama kumuonya. Kuwa muwazi kwake na mueleze upendi mambo anayoyafanya, uko very happy kwenye mahusiano yako na na utafurahi kama ataendelea na maisha yake na kuachana na nyinyi. Kuwa mwenye busara na jaribu kuzungumza nae kwa upendo na hakikisha ujumbe kauelewa. Hili litasaidia kumfanya atambue kuwa anatakiwa kuacha upuuzi. Kumbuka hili ni suluhisho la mwisho kabisa kama umejaribu kila njia na ikashindikana. Tuepuke vita juu ya mahusiano kwasababu haina tija yoyote.

JINSI YA KUCHAGUA KUWA NA FURAHA MAISHANI MWAKO

Katika maisha yako ni wewe tu ndiye utakae chagua kuwa na furaha. Kuwa na furaha ama kutokuwa na furaha ni chaguo lako. Kwa kila wakati utakaokuwa una hasira ama kukasirika unapoteza sekunde 60 ya furaha. Kuwa na furaha wakati wote, na kama watu hawataki kukuona na furaha, usiwajali. Maisha si ya kumnyenyekea kila mtu.

Kama unauwezo wa kujijua kama unaogopa, unafurahi , una unwezo wa kusimama na kuongea lolote hata kama sauti yako inaonyesha uoga, kujiamini na kuomba msaada pale unapo hitaji, na ujasiri wa kukubali msaada pale unapouhitaji, bila shaka una kila sababu ya kuwa ni mtu mwenye furaha kila wakati.

Simama leo hii na chukua maaumuzi ya kuwa ni mtu mwenye furaha
Chagua kuwa bora kuliko unavyodhani
Jipe nafasi ya kufanya kila unachoweza, Kuwa na malengo ya maisha yako na hakikisha unakuwa commited kuhakikisha unatimiza malengo  yako bila kuruhusu changamoto zozote. Epuka kufananisha maisha yako na ya mtu yeyote. Kujiwekea malengo (Goals) na kutimiza malengo yako ni kati ya vitu vitakavyokufanya uwe na furaha. Hii itakuonyesha kwamba wewe ni mtu ambaye una malengo na una uwezo wa kutimiza malengo yako kwa wakati muafaka. Ila swala la muhimu zaidi ni kuepuka kujaribu kuwa kama mtu Fulani, ila usiache kujaribu kuwa zaidi ya watu wanavyofikiri. Na kama unataka kufanana na mtu jaribu kujifananisha na wewe mwenyewe ulivyokuwa kabla ya hapo ulipo. Wewe mwenyewe ndiyo mfano wako na siku zako utakuwa wewe na si mtu mwingine.

Chagua kuwa na marafiki ama watu wenye mwenenda mwema
Jaribu kutumia muda wako kuwa na marafiki ama watu wema na wenye busara. Marafiki ama mahusiano ya aina yoyote yanatakiwa kukusaidia na si kukuumiza. Kuwa na marafiki ama mahusiano na watu watakaokusaidia kutimiza malengo yako. Chagua marafiki watakaokufanya ufurahi kwa kuwajua na si kujuta kuwafahamu. Life is too short to spend time with people who suck the happiness out of you. Utakapojitoa kwenye urafiki na watu wasiofaa, itakusaidia kutambua kwamba unastahili kuishi maisha yako, na kuishi maisha yako ndiyo maisha ya kweli.

Focus na kile ulicho nacho, na si kile usichonacho
Unaposhukuru kwa kile ulichonacho unaonyesha kwamba hata kile kidogo ulichonacho kina thamani. hii itakusaidia kuwa ni mtu mwenye furaha, kwasababu umeridhika na kile ulichonacho na huta sononeka kwasababu mtu Fulani anacho na wewe huna. Lazima umshukuru mungu kwa kile alichokupa kwasababu kuna wengine walitaka kufika ulipofika lakini hawakuweza kwasababu tofauti.

Chagua kuwa na tabia nzuri
Kinachosababisha wakati mwingine kutokuwa na furaha ni kuwa na picha Fulani kwenye vichwa vyetu.Na sababu kubwa inayosababisha wengi wetu kukata tama ni kuangalia umbali tunaotaka kwenda badala ya kuangali tulipotoka. Kumbuka maisha ni safari ndefu sana na si makao kamili. Kila kinachotokea katika maisha ya kila siku ni zawadi na ni opportunity ya maisha. Kubaliana na yaliyotokea, tabasamu na likubali kama lilivyo. Ukikubali kwamba yaliyojiri leo ni bora then maisha yako yatakuwa bora kila siku. Siku zote tabia nzuri huleta matokeo mazuri.

Tabasamu kila wakati
Kutabasamu ni chaguo lako, na si miujiza. Usisubiri watu watabasamu, watu wanatakiwa kujifunza kutoka kwako jinsi ya kutabasamu.Tabasamu lako linaweza kufanya watu wa karibu yako kutabasamu pia. Tabasamu lako dogo kawaida hutuma ujumbe kwenye ubongo wako kwamba una furaha. Kwa wewe kutabasamu kila wakati kuna kufanya uwe ni mtu mwenye furaha.


Kuwa muwazi
Jaribu kuwa muwazi kwako mwenyewe na kwa kila mtu. Usiwe muongo na usie aminika bali kuwa muaminifu na mkarimu, fanya matendo mazuri na hii inapunguza ugumu wa kuishi na watu na maisha yako mwenyewe. unapovunja sharia ama masharti Fulani inakaribisha changamoto nyingi katika maisha yako ya kila siku. Fanya maisha yako kuwa simple sana na enjoy kila unachokifanya ambacho kiko sawa. Jaribu kuepuka drama zitakazo sababisha matatizo na madhara katika maisha yako.

Toa masaada pale inapowezekana
Jali watu, katika maisha utalipwa kwa yale mema uliyoyafanya. Unapotoa msaada kwa mtu anaehitaji msaada, mungu anakubariki katika maisha yako pia. Jaribu kufanya kitu kilicho juu ya uwezo wako, hasa katika kutoa msaada kutamfanya unaempa msaada afurahi na wewe kupunguza matatizo pia. Makosa makubwa tunayoyafanya ni kutoa misaada kwa watu wasiohitaji misaada na badala ya kuwasaidia tunawafanya wawe wavivu wa kazi na wavivu wa kufikiria. Fanya uchunguzi n a utatambua watu wanaotoa msaada kwa wasiohitaji msaada hufanya hivyo ili waonekane na watu wengine, ama ufanya hivyo ili kumkomoa mtu mwingine. Badala ya mambo yao huwa magumu kwasababu mungu hajatambua wala hajaona faida ya msaada aliotoa. Tunatakiwa kujifunza kufanya jambo pale ambapo kuna uhitaji mkubwa.

Inapofikia wakati wa kuachana, usifikirie marambili ila fanya maamuzi sahihi
Wakati mwingine unatakiwa kuwa na msimamo na maamuzi ya maisha yako. Upendo unadhamani lakini si kwa ugomvi ama mapambano, na usikubali wewe kugombana kwasababu ya upendo ama mapenzi. Tambua kuwa si sawa wewe kuwa unapambana juu ya mapenzi, bali na wewe unatakiwa kugombaniwa pia. Kama hawaoni umuhimu wa upendo wako ama mapenzi yako unatakiwa kuachana naye (Move on) na kutambua uliwapenda zaidi ya wao walivyokupenda . Baadhi ya mahusiano na changamoto zake ni fundisho na hatua tosha katika maisha. Ukilazimisha kuwa na mpenzi ama kupenda mtu asiyekupenda mambo yako yatakuwa mabaya zaidi kwasababu utakosa furaha. Jaribu kuachana na watu wasiothamini pendo lako ni hilo litakufanya uwe na furaha zaidi.

Kuwa tayari kuvuka hatua nyingine katika maisha
Una chaguo la kuendelea kushikilia vikwazo katika maisha yako ama, kuachana na vitu vilivyokukwaza ili uwe ni mtu mwenye furaha. Usikubali mafanikio yakuumize kichwa na kutokuwa na mafanikio kuumize moyo wako. Kila kunapokucha ni siku mpya na ni mwisho wa siku iliyopita, likubali hilo na fanya kazi kwa bidii, tabasamu, na angalia mbele na si kuangalia jana ulishindwa wapi. Na usisahau kutabasamu hakumaanishi kila wakati una furaha, bali wakati mwingine ina maana rahisi, kuwa wewe ni shupavu na uko tayari kukabiliana na changamoto za kimaisha.

Na kumbuka, akili yako ni hifadhi yako binafsi, usiruhusu imani potofu unayoambiwa na watu wanaokuzunguka. Ngozi yako ndiyo mipaka ya maisha yako, usikubali mtu yeyote kuingia ndani yake. Linda na heshimu mipaka yako na yale unayokubali kuambiwa ama kufanyiwa na watu. You are a role model of your self, uhitaji kufanana na mtu mwingine kwasababu wewe ni wewe na hakuna anayefanana na wewe.

Usiruhusu mawazo ya mtu yoyote yakufanye ubadilishe maisha yako na kubadilisha nmuonekano wako. Usijitoe kafara kwa vile ulivyo kwa kuwa mtu mwingine anakutoa kasoro. Jipende kama ulivyo ndani na nje. Hakuna mwenye nguvu ya kukufanya wewe ujione huna thamani, labda kama wewe mwenyewe utaruhusu hilo.

Chaguo ni lako, chagua kuwa na furaha.

UNAWEZAJE KUWA MJASIRIAMALI UKIWA UMEAJIRIWA

 

 

Hili swali limekuwa ni gumu na mtihani kwa watu wengi sana ambao ni waajiriwa wa sekta binafsi na wale walio ajiriwa kwenye mashirika ya umma. Na wengi wamekuwa wakipewa ushauri mbaya ama ushauri uliowakatisha tama. Leo ningependa kukwambia unaweza kuwa mjasiria mali bila kuacha kazi iliyokuwa ikikuingizia kipato kila mwezi. Una uwezo wa kuwa mjasiriamali na kuendelea kufurahia kazi unayoifanya kila siku bila kuaribu utaratibu wako wa kazi. Yafuatayo ni mambo matano muhimu yatakayokusaidia kufanikisha hili;

 

Ichukulie kazi yako kama ni Baraka kutoka kwa mungu.

kazi yako si mzigo mkubwa unaoubeba na unatamani siku moja uushushe. Kazi yako ndiyo inayokuwekea chakula mezani wewe na familia yako na pia ndiyo inayokufanya wewe kuheshimika katika jamii yako. Na pia kimbuka kazi yako ndiyo itakayokuwa muongozo ama mtaji wako katika biashara yoyote unayotegemea kuianzisha. Your job will make your entrepreneur dream come true. Mshahara wako utakuwa chanzo kikibwa cha wewe kuwa na nguvu ya kuchukua mkopo ama kuweka akiba ya kukuwezesha wewe kupata kianzio cha biashara ndogo unayotakiwa kuianzisha na si kuichukia ajira. Ajira yako ndiyo itakayo kunyanyua katika mipangilio yako yote ya ujasiria mali hadi pale utakapokuwa na mafanikio makubwa na una uwezo wa kuacha kazi na kusimamia biashara zako wewe mwenyewe. Kama biashara yako haijashamiri tafadhali epuka kuacha kazi na kwenda kusimamia biashara ambayo hujafahamu muelekeo wake.

 

Jali muda wako

Madhara ya kuwa kwenye ajira ukiwa ni mjasiriamali yapo na ni makubwa kiasi ambayo hukatisha tamaa watu wengi. Hilo lisikutishe wala kukusumbua, swala la muhimu ni kujipangia muda utakaofanya kazi na muda utakaotumia kwenye kazi zako za kijasiriamali. Jaribu kila muda unaoupata baada ya kazi unautumia katika kufanya shuguli zako za kijasiriamali. Sheria za kazi za umma ni kufanya kazi masaa nane ama tisa na katika sekta binafsi baadhi ni masaa hayohayo na mashirika mengina wanaongeza muda zaidi kwa makubaliano maalumu ama muda ni pungufu zaidi. Mara nyingi unapofanya kazi masaa tisa unakuwa na masaa si chini ya manne abla ya kulala ama kupumzisha mwili. Masaa manne ni muda mrefu sana kwa kusimamia kazi zako za ziada. Unaweza kuajiri mtu wa kuzifanya kazi hizo na wewe kutumia muda wako mchache kusimamia ama unaweza pia kuzifanya mwenyewe katika hayo masaa manne. Kwa mfano kilimo, unaweza kukifanya muda ambao upo nyumbani, ama ufugaji na biashara ndogondogo pia una uwezo wa kuzifanya mwenyewe kwa muda mfupi baada ya kazi. Ili kuwa mjasiriamali inabidi upunguze muda wa kufanya vitu ambavyo havikuingizii vipato na badala yake jaribu kufikiria na kujituma katika mambo yatakayokusaidia kukuingizia kipato cha ziada. Jaribu kuweka smart phone yako mbali na jaribu kuepuka kupoteza muda kwenye social media, jaribu pia kupunguza muda wa kulala na jiulize je muda ambao nipo free ninaweza kuutumiaje kujiongezea kipato. Kumbuka kila lisaa unalopoteza ni sawa na kupoteza kipato.

 

Chukua hatua kwa kila mpango ulionao.

Unapokuwa na malengo ya kuwa mjasiriamali ukiwa umeajiriwa, unatakiwa kuwa na malengo na kuhakikisha umefanikisha ndoto yako. Fikiria ni kitu gani kinaweza kukuongezea kipato na je mtaji wake utaupataje. Hili ni jambo la muhimu sana, hakikisha unafanya biashara ama shuguli itakayoendana na kipato chako na una uzoefu nayo na pia hakikisha unakuwa na uwezo wa kusimamia ipasavyo. Ni vigumusana kuanza biashara kubwa kuliko mtaji uliokuwa nao kwasababu biashara hiyo itakuwa ni ndoto isiyotimia. Hakikisha kama ni kuchukua mkopo, unachukua mkopo utakaoweza kuulipa na hata biashara itakapoenda vibaya ajira yako inaweza kulipa mkopo huo.

 

Ni kipi utakachokifanya tofauti na wenzako

Jaribu kufanya biashara tofauti na wenzako, usifanye biashara ambayo inafanana katika eneo moja. Na kama ni biashara inayofanana na wenzako hakikisha ya kwako una kitu tofauti na wanachokifanya wenzako. Hii itakusaidia kupata wateja wengi na mzunguka wa mtaji wako kwenda kwa haraka zaidi na kupelekea kipato chako kuongezeka kama ambavyo lilikuwa lengo la biashara.

 

 

Fanya ajira yako kuwa muongozo wa biashara yako

unapoamshwa na simu ama alarm clock asubuhi, usisikitike muda wa kazi umefika bali amka wahi kazini ili uwahi kutoka na kwenda kusimamia biashara zako. Kazi yako ndiyo ajira yako ya kwanza na biashara yako ndiyo ajira yako ya pili. Na usisahau ajira yako ndiyo muongozo wa biashara yako kwani ni moja ya kitu kinachokuongezea kipato ambacho ndiyo msingi wa biashara yako. Na kama ujasiriamali wako unaufanyia katika ofisi yako uliyoajiriwa tumia fursa vizuri bila kufaya uzembe wala kuvunja sharia za kazi na kuvuka mipaka ya kazi. Kumbuka ajira ni muhimu na ujasiria mali pia ni muhimu sana.

JINSI YA KUWEZA KUWEKA AKIBA KILA MWEZI

Hii ni ya kufungia mwaka 2015, Mwaka 2016 ni mwaka wa kuhifadhi pesa na ni mwaka wa kufanya maendeleo. Kila mtu anapenda kufanya maendeleo na anatamani kuwa kama Fulani. Lakini kila unapojaribu kueka akiba inashindikana na wakati mwingine unajikuta umekuwa na matumizi makubwa kuliko ulivyotarajia na labda wakati mwingine umetumia fedha zaidi ya kipato chako cha kila mwezi bila kutegemea. Je ni jinsi gani unaweza kujiwekea akiba kila mwezi kutoka kwenye mshahara wako ama kipato chako cha kila mwezi.

Kabla ya kufikiria kujiwekea akiba angalia kipato chako kwa kila mwezi
Hii itakusaidia kujua ama kufahamu ni kiasi gani unatakiwa kuweka akiba na kama kipato chako kipo katika nafasi ya kuweza kuweka akiba. Baada ya kulifahamu  hili kuna mambo muhimu ya kufahamu katika kipato chako.


Madeni
Hakikisha umelipa madeni yako yote kabla hujafikiria kuanza kuweka akiba, hii ni kwasababu kila akiba utakayokuwa unaweka itakuwa si akiba tena bali ni fedha ya kulipia madeni.

Tengeneza Budget yako ya kila wiki ama kila mwezi
Ni lazima ujifunze kufahamu matumizi yako ya wiki ama ya mwezi.Hii itakusaidi kujua ni kiasi gani cha matumizi yako na hii itakusaidia kujua ni kiasi gani cha fedha unaweza kuweka akiba kila mwezi. Hii pia itakusaidia kujua kama matumizi yako yanaendana na kipato chako. Jaribu kuangalia katika matumizi yako kuna vitu ambavyo si vya muhimu unavyoweza kuvipunguza kwenye bajeti yako ama kuvitoa kabisa. Ni vizuri kama utatayarisha shopping listi yako ya wiki na ya mwezi katika kijitabu ili kujua matumizi yako ipasavyo. Epuka kula katika migahawa mara kwa mara na ujaribu pia kupunguza mitoko ya jioni kwasababu imeonekana chakula unachotengeneza nyumbani kinakusaidia kuokoa zaidi ya asilimia 50 ya fedha ya kununulia chakula. Jaribu pia kujali bei ya bidhaa na si kujali bidhaa ambazo ni bei gali na mengine mengi yatakayokusaidia kuweza kupunguza matumizi yasiyi ya lazima.

Jaribu kuandika mahali ndoto zako (Goals)
Ni lazima utambue your goals, hili litakusaidi kufahamu dhumuni la kutaka kuweka akiba. Kuna mtu anataka kuweka akiba ili anunue gari, mwingine ili anunue nyumba ama kiwanja na ajenge nyumba na mwingine labda anataka aweke akiba ili ampeleke mototo katika shule nzuri zaini na kadhalika. Malengo ni mengi na kuwa na malengo mengi na makubwa itakuwa vizuri zaidi ili kuwa na uwezo na kuhakikisha unabana matumizi zaidi ili kutimiza ndoto ama matarajio yako.


Ni muhimu pia kuhakikisha unaongeza njia zingine za kukupatia kipato ama kukuongezea kipato. Kama wewe ni umeajiriwa sehemu jaribu kufanya kitu kingine kitakachokuongezea kipato. Na kama wewe ni mjasiriamali jaribu kuongeza kipato unachokipata kwa sasa. Hili litakusaidia kuweka akiba kubwa zaidi kwasababu katika biashara ama kutafuta ajira nyingine ya kukuongezea kipato itakusaidia kuweka akiba zaidi kwasababu kipato chako kimeongezeka na matumizi yatabaki palepale.

Pia itakuwa ni muhimu sana kujaribu kuwa na account ya benki utakayo itumia kwa kuweka akiba yako tu na si kuweka kila kipato unachokipata. Kama ni mjasiriamali ama muajiriwa ni muhimu kutenganisha akaunti ya benki unayotumia kuhifadhi kipato chako na akounti utakayoitumia kuhifadhi akiba yako. na ni muhimu kujaribu kutotumia hiyo account kabisa.

Natumaini mtalifuatilia hili na ushauri huu kwa sababu naamini huu ni mwaka wa maendeleo na ni mwaka wa kuwa watu tofauti na tulivyokuwa kipindi cha nyuma. Happy new year 2016 na mungu awabariki.